Qazaqstandyq ardager balýandar kúresten álem chempıonatynda 3 altyn medal aldy

ASTANA. QazAqparat - Qazaqstandyq balýandar Bolgarııanyń Plovdıv qalasynda ardagerler arasynda erkin kúresten álem chempıonatynda úsh «altyn» aldy, dep habarlaıdy QazAqparat tilshisi.

Qazaqstan erkin kúres federatsııasynan alynǵan málimetke qaraǵanda, V dıvızıonynda Esentaı Hapar chempıon atandy.

Ol 88 kelige deıingi salmaqta úzdik shyqty.

A dıvızıonynda batysqazaqstandyq Nurlan Bekjanov 70 kelige deıingi salmaqta qarsylas shydatpady. Óziniń sporttyq jolynda eresekter arasynda álem chempıonatynyń kúmis júldegeri atanǵan Nurlan bul joly jeńistiń eń bıik shyńyna kóterildi.

Sondaı-aq A dıvızıonynda Abaı Smaǵulov 88 kelige deıingi salmaqta jeńimpaz boldy. Ol fınalda úndistandyq balýandy 7:5 esebimen utty.

Oǵan qosa Nıkolaı Kassıanık (78 kg), Sergeı Elıseev (100 kg), Ánýar Óksimbaev (130 kg) kúmis, Amantaı Nurádilov (62 kg), Sabyrjan Joldaev (70 kg), Nurjan Nurbekov (70 kg), Murat Túsipbekov (70 kg) jáne Týrpalalı Sýlımanov (78 kg) qola júldege ıe boldy.

Eske sala keteıik, budan buryn Ábıba Abýjaqynovanyń qazaq qyzdary arasynan alǵash ret deıýdodan álem chempıonatynyń júldegeri atanǵanyn jazǵan bolatynbyz.

Sondaı-aq Eldos Smetov álem chempıonatynyń qola júldegeri atandy.

Foto: instagram.com/kazakhstan__wrestling