Qazaqstandyq ardager álem chempıony atandy
ASTANA. QazAqparat - Italııanyń Olbııa qalasynda dzıýdodan ardagerler arasynda ótip jatqan Álem chempıonatynda qazaqstandyq ardager dzıýdoshy Amanbaı Qyzdarbaev qarsylastaryn shaq keltirmeı, chempıon atandy, dep habarlaıdy QazAqparat tilshisi.
M4 kategorııasy boıynsha 90 kelige deıingi salmaqta beldesken otandasymyz alǵashqy qarsylasy Italııa sportshysy Lorıs Jınnarony, ekinshi aınalymda Ikım Mblıdogý Ýdoka Sandeıdi (Ispanııa) ıpponmen jeńip, jartylaı fınalǵa joldama aldy. Jartylaı fınalda slovakııalyq sportshyny Marýna Robertten aılasyn asyrǵan ardager dzıýdoshymyz, sheshýshi fınalda tatamı ıesi, Italııa dzıýdoshysy Nınfo Djýzeppeni ýaqytynan buryn ıpponmen jeńip, Qazaqstan qorjynyna alǵashqy altyndy saldy.
Sondaı-aq, M5 kategorııasy boıynsha 100 kelige deıingi salmaqta synǵa túsken taǵy bir qazaqstandyq ardager dzıýdoshy Igor Zadneprıannyı qola medal úshin kúreste ulybrıtanııalyq sportshy Dırek Hopkınsti ıpponmen utyp, Qazaqstan qorjynyna tórtinshi qola medaldi saldy.
Esterińizge sala ketsek, Olbııada ardagerler arasynda ótip jatqan Álem chempıonatynda osyǵan deıin Qazaqstan quramasy 1 kúmis jáne 3 qola medal ıelengen bolatyn.
