Qazaqstandyq aralas jekpe-jek sheberi Sergeı Morozov UFC-de úshinshi márte jeńiske jetti
ASTANA. QazAqparat – Qazaqstandyq sportshy Sergeı Morozov (18-5) Las-Vegasta ótken UFC Fight Night 216 aralas jekpe-jek týrnırinde óner kórsetti, dep habarlaıdy QazAqparat Sports.kz saıtyna silteme jasap.
Morozov amerıkalyq Djornı Nıýsonǵa (10-3) qarsy shyqty. Eń jeńil salmaqtaǵy bul kezdesý úsh raýndqa eseptelgen bolatyn jáne onda tóreshilerdiń biraýyzdan sheshimimen qazaqstandyq sportshy jeńiske jetti.
Osylaısha, MMA-degi kásibı mansabynda 12-shi jeńisine qol jetkizdi. Al Djornı Nıýson 4-shi ret jeńildi. UFC-degi jarysqa keletin bolsaq, bul Morozovtyń promoýshndegi úshinshi jeńisi (eki ret jeńildi), al Nıýson bolsa úshinshi ret jeńilis taýyp otyr (ázirge ol tek bir ret qana jeńiske jetti. Onyń taǵy bir kezdesýi oryndalmaǵan bolyp esepteldi).
