Qazaqstandyq ánshilerdiń atyna sheteldik avtorlardan shaǵym túsken joq - QR Ádilet mınıstrligi

ASTANA. QazAqparat - Qazaqstandyq estrada oryndaýshylaryna sheteldiń avtorlary shaǵymdanǵan joq. Bul týraly «QazAqparat» agenttiginiń saýalyna QR Ádilet mınıstrliginen habarlady.

Aıta keteıik, búginde álemde avtorlyq quqyqty qadaǵalaýǵa erekshe mán berilip otyr. Bul rette sheteldik jáne otandyq estradada plagıatqa jol berilgendigi jóninde aqparat BAQ-ta habarlanyp júrgeni belgili. Osy oraıda qazaqstandyq oryndaýshylarǵa qatysty shetel avtorlarynan aryzdar men aıyptaýlar  bar-joǵy jaıynda quzyrly vedomstvodan bilýdi jón kórdik.

«Qazirgi kezde sheteldik avtorlardan qazaqstandyq estrada oryndaýshylarynyń atyna kelip túsken ótinimder men shaǵymdar joq»,-dep atap ótilgen QR Ádilet mınıstrliginiń málimetinde.