Qazaqstandyq ánshiler «Glavnaıa stsena» shoýynyń jartylaı fınalyna shyqty
ASTANA. QazAqparat - Qazaqstandyq ánshiler «Glavnaıa stsena» shoýynyń shırek fınalyna shyqty. Óner básekesinde almatylyq úsh jigit Ravıl Isaqov, Batyrjan Tazabekov jáne Álisher Egemberdıev "Qaraqum" ánin oryndady.
Qazaqstanda bul topty The Jigits dep ataıdy, biraq «Rossııa 1» telearnasy jigitterdi Jigboys toby dep tanystyrdy.
Olar ándi oryndap bolǵannan keıin Valerıı Leontev óz rızashylyǵyn bildirdi. Onyń aıtýynsha, qazaqstandyqtardyń shyǵarmany oryndaýda ári soǵan oraı qımyl-qozǵalystarynda úndestik bar. Osylaı deı kele, daýsyn solarǵa berdi. Budan soń oıyn bildirgen Vıacheslav Dobrynın azdap emotsııanyń jetispeı jatqandyǵyn alǵa tartty. Degenmen ol da qoldady.
Dıana Arbenına men Nıkolaı Noskovtyń da pikiri oń boldy. Osylaısha The Jigits shırek fınalǵa shyqty.
Aıta keter jaıt, jartylaı fınaldyq básekeniń qorytyndysy boıynsha aqtyq saıysqa 12 qatysýshy shyǵady. Olar ózderiniń eń sátti shyǵarmalaryn oryndaýlary tıis. Fınalda ádilqazylardyń turaqty úsh múshesi ǵana óz pikirlerin bildire alady. Al jeńimpazdy tańdaý quqyǵy eń basty ádilqazylar -telekórermenderdiń enshisinde.
Jobanyń qorytyndy kontserti Kremldiń sezder saraıynda ótedi.
