Qazaqstandyq ánshi jol apatynan kóz jumdy
ASTANA. QazAqparat - Qazaqstandyq ánshi Anton Samoılov jol apatynan qaıtys boldy, dep jazady 24.kz nur.kz-ke siltememen.
Bul týraly prodıýser Ádil Lııan óziniń áleýmettik jelidegi jeke paraqshasynda habarlaǵan.
Lııan óz paraqshasynda: «Ol jaqsy jigit ári jaqsy ánshi bolatyn. Jol apaty kezinde sóz baılasqan súıiktisimen birge kóz jumdy», - dep jazǵan. Qaıǵyly oqıǵa osydan 2 kún buryn bolǵan.
Anton Samoılov otandyq tyńdarmandarǵa «Súıem seni ǵana» ánimen tanylǵan edi. Talantty ánshi kóbine lırıkalyq ánderdi oryndap, tanymal boldy.
