Qazaqstandyq ánshi «Vıtebsk-2011» konkýrsynyń eki kúniniń qorytyndysy boıynsha úzdik bestiktiń qataryna kirdi
ASTANA. 13 shilde. QazAqparat - Estradalyq ánderdiń «Vıtebsk-2011» halyqaralyq konkýrsynda birinshi jáne ekinshi kúnniń qorytyndysy boıynsha belarýs ánshisi Alena Lanskaıa kósh bastap keledi,
dep habarlaıdy BELTA.
Odan keıingi oryndarda: 174 balmen ýkraınalyq oryndaýshy Vladımır Kvasnıtsa, 170 balmen chehııalyq Davıd Deıl men lıtvalyq ánshi Rýta keledi. Úzdikter bestigine qazaqstandyq ánshi Álisher Kárimov te kirip otyr.
Konkýrstyq oryndaýlar aıaqtaldy, biraq ıntrıga 13 shildege - marapattaý rásimine deıin saqtalady, sebebi eń úlken upaı jınaǵan oryndaýshy árqashan festıvaldiń Bas júldesin ala bermeıdi. Oǵan qosa, konkýrs sharty boıynsha qazylar alqasy ekinshi jáne úshinshi júldeni bólýi múmkin. «Vıtebsk-2011» halyqaralyq konkýrsynyń bıylǵy bas júldesi 15 myń dollardy, І, ІІ jáne ІІІ júldeler sáıkesinshe, 9, 6, 3 myń dollardy quraıdy.
Halyqaralyq konkýrsqa 20 elden 20 oryndaýshy qatysýda.
