Qazaqstandyq ánshi «Ýzbekıston» ənin ózbek tilinde oryndady
NUR-SULTAN. QazAqparat – Ózbek ánshisi qazaq halqyn qoldap, «Atameken» ánin oryndaǵan edi. Soǵan alǵys retinde qazaqstandyq ánshi Əlisher Karımov Ózbekstannyń halyq ərtisi ıÝldýz Ýsmanovanyń «Ýzbekıston» ənin ózbek tilinde oryndady. Bul týraly QazAqparat Mádenıet jáne sport mınıstrligine silteme jasap habarlaıdy.
«Qazaqstannan ystyq yqylaspen» Qazirgi qıyn kezeńde qazaq halqy yntymaqtastyqty nyǵaıtyp, əlem halyqtarymen mádenı baılanystardy arttyra túsýge bar kúshin salady. Búginde əleýmettik jelilerde ózbek ənshisi Djon Rýmıdiń kompozıtor Janbota Tuıaqbaev pen aqyn Shómishbaı Sarıevtiń ataqty «Atameken» ánin oryndaǵan beınebaıany keńinen taralyp jatyr. Al kezinde Roza Rymbaevanyń oryndaýynda bul týyndy ər qazaqtyń júreginen oıyp turyp oryn alǵany belgili. Osylaısha Djon Rýmıdiń qazaq halqyna arnaǵan mýzykalyq tartýy ejelden baýyrlas qos memleket azamattary tarapynan jyly lebizge ıe bolyp jatyr. Tanymal ənshiniń erekshe syılyǵyn elimiz zor yqylaspen qabyl aldy. Osy syılyqqa jaýap retinde biz daryndy ánshi Əlisher Karımovtyń Ózbekstannyń halyq ərtisi ıÝldýz Ýsmanovanyń «Ýzbekıston» ənin ózbek tilinde oryndaǵan beınebaıanyn joldaımyz. Mýzykalyq óner arqyly bir-birimizge qoldaý kórsetip, birlik tanytý qazirgi syndarly kezeńde óte ózekti. Biz Qazaq eli árdaıym halyqaralyq mádenı yntymaqtastyqty arttyrýdy maqsat tutyp, baýyrlas halyqtardyń qoldaýy arqyly barlyq qıyndyqtardy jeńip shyǵatynymyzǵa senemiz», - delingen mınıstrlik habarlamasynda.
Eske salsaq, tanymal ózbek ánshisi Djon Rýmı Instagram paraqshasynda COVID-19 indetine qarsy kúreste qazaq halqyna qoldaý bildirip, «Atameken» ánin oryndaǵan edi.
