Qazaqstandyq ánshi qyz «Vıtebsk-2014» festıvalinde júldeger atandy
ASTANA. QazAqparat - Qazaqstandyq ánshi qyz Marhaba Sábıeva estradalyq ánderdi oryndaýshylardyń HHІІІ Halyqaralyq «Vıtebsk-2014» konkýrsynda ІІІ oryndy ıelendi, delingen baıqaýdyń resmı saıtynda.
«Meksıkandyq Rodrıgo de la Kadena HHІІІ Halyqaralyq «Vıtebsk-2014» konkýrsynyń Gran-prıin ıelense, 15 myń dollar aqshalaı syılyq beriletin birinshi júldege moldovalyq Vıtalıe Negrýtse ıe boldy. Ekinshi oryndy (10 myń dollar) ýkraınalyq Veronıka Dorosh pen Horvatııadan qatysqan Dıno ózara bólisti. Al úshinshi orynǵa (5 myń dollar) Izraıl eliniń ónerpazy Dıana Golbı men qazaqstandyq Marhaba Sábıeva laıyq dep tanyldy», delingen habarlamada.
Esterińizge sala keteıik, vokaldyq konkýrsqa barlyǵy 21 óner ıesi qatysqan bolatyn. Jartylaı fınaldyń qorytyndysy boıynsha Marhaba fınalǵa shyǵyp, onda 15 oryndaýshymen básekege tústi.
Aıta keteıik, bul konkýrsqa elimizdiń úsh ókili qatysty. 11 jasar Nurjan Jumáli HІІ Halyqaralyq mýzykalyq «Vıtebsk-2014» balalar baıqaýynda sahna tórinen tabylsa, ataqty ánshi Tolqyn Zábırova ádilqazylar alqasynyń quramynda boldy.
