Qazaqstandyq ánshi Qytaıda ótken halyqaralyq án festıvalinde «ıApýraıdy» shyrqady
ASTANA.QazAqparat - Qazaqstandyq ánshi Gazret Erjanov 1 qarasha kúni qytaıdyń Chendý qalasynda «Asia-Pacific Broadcasting Union (ABU) TV Song Festival 2017» sharasynda óner kórsetti, dep habarlaıdy QazAqparat tilshisi.
Jergilikti BAQ-tardyń habarlaýynsha, 54-shi Azııa-Tynyqmuhıttyq Teleradıotaratý odaǵy jınalysy aıasynda ótkizilip otyrǵan halqaralyq án festıvaline 14 eldiń ánshileri qatysty. Erjanov óz kezeginde qazaqtyń halyq áni «ıApýraıdy» shyrqady.
31 qazan kúngi baspasóz máslıhatynda otandasymyz qytaılyq BAQ ókilderiniń nazaryn aýdardy. Onyń kelisti kelbetin qytaılyqtar ózderiniń tanymal ánshisi Ýań Lı Hońǵa (Wang Leehom) uqsatyp, «Qazaqstandyq Ýań Lı Hoń» atap úlgerdi. Al otandasymyz qytaılyqtardyń jyly lebizine alǵysyn aıtyp, aldaǵy ýaqytta qytaı tilin úırenip, qytaı sahnasynda da óner kórsetkisi keletinin jetkizdi.
