Qazaqstandyq ánshi Dımash Qudaıbergenov «Slavıan bazary-2015» baıqaýynyń Gran-prıin ıelendi
Qazaqstandyq ánshi Dımash Qudaıbergen búgin Jazǵy amfıteatr sahnasynda bas júldeni jáne arnaıy «Lıra» syılyǵyna ıe boldy. Bul týraly BELTA tilshisi «Vıtebsktegi Slavıan bazary» XXIV halyqaralyq saıysynyń jabylý saltanaty rásiminen habarlady.
Dımash Qudaıbergen eki kúnniń qorytyndysy boıynsha eń joǵary ball - 175 ball jınady. Sondaı-aq onyń jerlesi qazaqstandyq Lýıza Nurqýatova da «Vıtebsk-2015» balalar baıqaýynyń Gran-prı júldesin aldy.
Merekelik sharaǵa qatysqan Belarýs prezıdenti A. Lýkashenko óz sózinde barlyq saıysqa qatysýshylarǵa vıtebsk sahnasy bolashaqtaryna jarqyn jol ashatyn baspaldaq bolýyn tiledi.
«Bundaı saıysta jeńiske jetý bolashaqqa degen zor talpynystyń belgisi. Saıys barysynda adam tek óziniń darynyn ǵana emes, minezin de kórsetedi», - dedi A. Lýkashenko.
Birinshi júlde (15 myń AQSh dollary) men arnaıy syılyq belarýstik Valerııa Grıbýsovaǵa tabystaldy. Ekinshi orynǵa «10 myń AQSh dollary) Bolgarııadan kelgen Nıkolaı Manolov ıe boldy. Ýkraınalyq Anna Tverdostýp úshinshi orynǵa (5 myń AQSh dollary) laıyq dep tanyldy.
Al Dımash Qudaıbergenge 20 myń AQSh dollary kóleminde aqshalaı syılyqqa ıe boldy. Sharanyń saltanatty jabylý rásiminde qazaqstandyq ánshi taǵy bir ret ónerimen vıtebsktik tyńdarmandaryn tánti etti.
