Qazaqstandyq ánshi Dımash Qudaıbergen «Slavıan bazary-2015» festıvaliniń fınalyna ótti

ASTANA. QazAqparat - Qazaqstandyq jas ánshi Dımash Qudaıbergen «Vıtebsk-2015» HІІІ estradalyq án oryndaýshylarynyń halyqaralyq saıysynyń fınalyna ótti.

Endi senbi jáne jeksenbi kúnderi fınalǵan shyqqan 15 oryndaýshy Vıtebsktegi Jazǵy Amfıteatrdyń sahnasynda án shyrqaıdy, dep habarlanǵan festıvaldiń resmı saıtynda.

Aıta keteıik, «Slavıan bazary» halyqaralyq mýzykalyq festıval aıasynda 9-13 shilde kúnderi «Vıtebsk-2015» estradalyq án oryndaýshylarynyń halyqaralyq saıysy ótýde. Saıysqa túrli baıqaýlardan laýreat atanǵan jas ánshiler qatysýda. Uıymdastyrýshylardyń aıtýynsha, festıval jas oryndaýshylarǵa óz ónerlerin tanytýǵa tamasha múmkindik beredi. Úzdik óner kórsetken ánshi gran-prı ıegeri atanady.