Qazaqstandyq ánshi Bolgarııada ótken halyqaralyq baıqaýda júldeli orynnan kórindi - FOTO
ASTANA. QazAqparat - Halyqaralyq "Discovery" án baıqaýynda Qazaqstandyq ánshi Nursultan Qarabalıev 3 oryn aldy.
Bul týraly agenttigimizge ánshiniń prodıýseri Meıirjan Álıakbarov habarlady.
Baıqaý 15 mamyr kúni Bolgarııanyń Varna qalasynda ótti. 15 elden 17 ónerpaz qatysqan óner dodasyna Qazaqstannyń atynan barǵan Nursultan Qarabalıev Rızabek Núsipbekulynyń sózine jazylǵan Nurǵalı Alınurdyń « Ańsarym» ánin oryndaǵan bolatyn. Qazylar alqasy bir aýyzdan Nursultandy úshinshi orynǵa laıyq dep tanydy.
Ekinshi oryndy Ispanııalyq ánshi Sira Mayo ıelense, birinshi oryn Horvatııalyq Dino-ǵa buıyrdy.
Sonymen birge, Nursultan Qarabalıev Makedonııada ótetin EURO POP FESTIVAL halyqaralyq baıqaýyna joldama aldy.
Aıta keteıik, Discovery án básekesine 2004 jyly Altynaı Jorabaeva qatysyp, birinshi oryn alǵan bolatyn.
