Qazaqstandyq ánshi álemdegi eń qymbat úıden páter satyp alyp, Naomı Kempbelmen kórshi boldy
ASTANA. 5 naýryz. QazAqparat - Qazaqstandyq ánshi Anar Aıtjanova Londonda ornalasqan álemdegi eń qymbat úıden - One Hyde Park kesheninen páter satyp aldy,
dep jazdy «Ekspress-K» gazeti.
Brıtandyq Daily Mail gazetine silteme jasaǵan basylymnyń atap ótýinshe, bul keshende bir sharshy metrdiń baǵasy 100 myń dollarǵa jetedi. Ártistiń kórshileri sýpermodel Naomı Kempbell men Katar eliniń premer-mınıstri sheıh Hamad bın Djaber ál-Tanı boldy. One Hyde Park-qa Ýkraınanyń eń baı adamy - donetskilik «Shahterdiń» ıesi Rınat Ahmetov ta qonystandy.
Esterińizge sala keteıik, ánshi A.Aıtjanova tanymaldylyqqa 2004 jyly ıe boldy. Teledıdardan onyń beıne klıpteri kórsetilip, jańa juldyz úshin ánderdi tanymal kompozıtor Erkesh Shákeev jazyp turdy. Anar Aıtjanovanyń eńbek joly bastalmaı jatyp úzildi. Sol jyly onyń jubaıy, «TuranÁlem» banki basqarmasynyń tóraǵasy qyzmetin atqarǵan Erjan Tátishev ań aýlaý kezinde qaza boldy.
