Qazaqstandyq ánshi AQSh-taǵy jas oryndaýshylar halyqaralyq konkýrsynda birinshi orynǵa ıe boldy
ASTANA. 10 jeltoqsan. QazAqparat - Farhad Mádenov AQSh-tyń Batys Gollıvýdynda ótken «Kolbrı» jas oryndaýshylardyń tórtinshi halyqaralyq konkýrsynda «Akademııalyq vokal» atalymynda birinshi oryn aldy.
Bul týraly «Jas Otan» jastar qanatynyń Astana fılıalynan habarlady.
Farhad elorda «Jas Otan» fılıalynyń belsendisi. «Farhadtyń joǵary talanty men kásibı sheberligin baıqaǵan konkýrstyń dırektory Lev Volovık onyń «Gorı, gorı moıa zvezda» ejelgi orys romansyn oryndap berýin suraǵan. Farhad bir sahnada tanymal skrıpkashy Danııl Shındarevpen birge óner kórsetý qurmetine ıe boldy», - dep habarlady «Jas Otan».
