Qazaqstandyq Angelına Lýkas tıtýl úshin jekpe-jekke shyǵady
NUR-SULTAN. QazAqparat – Qazaqstandyq boksshy qyz Angelına Lýkas Instagram jelisinde kezekti kezdesýine joldama alǵanyn jarııalady, dep habarlaıdy QazAqparat Sports.kz saıtyna silteme jasap.
Áleýmettik jelidegi paraqshasynyń stories bóliminde qazaqstandyq sportshy UBO International tıtýly úshin judyryqtasatyn kelesi aıqasy jaıynda habarlandyrý jarııalady.
Jekpe-jek 17 qyrkúıekte Almatyda ótedi, qarsylastyń esimi áli belgisiz.
Aıta keteıik, Lýkas kásipqoı boks mansabynda bir jekpe-jek ótkizgen: ótken jyldyń jeltoqsanynda Nur-Sultanda ýkraınalyq boksshy Svetlana Vasılevskaıany jeńgen bolatyn.
