Qazaqstandyq áleýmettanýshylar Astanada bas qosady
ASTANA. QazAqparat - 27-28 qyrkúıek kúnderi Astanada elordanyń 20 jyldyǵyna arnalǵan VI Qazaqstan áleýmettanýshylar kongresi ótedi. Bul týraly QR Qoǵamdyq damý mınıstrliginiń Feısbýktegi paraqshasynda habarlandy.
Іs-sharany QR Qoǵamdyq damý mınıstrligi men «Qazaqstan áleýmettanýshylar qaýymdastyǵy» qoǵamdyq birlestigi uıymdastyrýda.
Kongreske ǵylymı-akademııalyq jáne saraptama-analıtıkalyq qoǵamdastyq ókilderi, AQSh, Japonııa, Túrkııa, Reseı, BAÁ jáne basqa da memleketterdiń sarapshylary, QR Parlamenti depýtattary, Úkimettik emes uıymdardyń jáne memlekettik organdardyń ókilderi qatysady.
Kongreske Halyqaralyq áleýmettanýshylar qaýymdastyǵy (HÁQ) vıtse-prezıdenti, áleýmettaný doktory, Rıo-de-Janeıro federaldyq ýnıversıtetiniń professory (Brazılııa), HÁQ Current Sociology jýrnalynyń redaktory Eloıza Martın qonaq bolady.
