Qazaqstandyq «Álem mıssısi-2017» baıqaýyna qatysady
ASTANA. QazAqparat - «Álem mıssısi-2017» baıqaýyna tuńǵysh ret Qazaqstannyń atynan jas ana Kamılııa Kanapıanova barady, dep habarlaıdy QazAqparat onyń jeke menedjeri Stas Melnıkovaǵa silteme jasap.
"Bul halyqaralyq baıqaý, ol jerde álemniń 80 elinen eń sulý analar qatysady. Osy jyly elimizdiń atyn Kamılııa Kanapıanova halyqaralyq deńgeıde tanytatyn bolady", - dedi Stas Melnıkova. 
Kamılııa Kanapıanova 2010 jyly Westminster University oqýǵa túsip, LLM Master of Law dárejesin alyp, jeke avıakompanııada, keıin jyljymaıtyn múlik agenttiginde jumys isteıdi. 2013 jyly Londonnyń qaq ortasyndaǵy Pall Mall-da ornalasqan Thrings Solicitors aǵylshyn zańgerlik fırmasynda zańger bolyp karerasyn jalǵastyrady. Londonda 7 jyl turyp, 2015 jyly Kamılııa Astanaǵa otbasylyq jaǵdaılar boıynsha oralady. Qazir ol 1 bala tárbıelep otyrǵan baqytty áıel.
Aıta keteıik, «Álem mıssısi - 2017» baıqaýy Ońtústik Afrıka Respýblıkasynyń Dýrban qalasynda 2017 jyldyń 25 tamyzy ben 3 qyrkúıek arasynda ótedi.
