Qazaqstandyq álem chempıony Q. Dosmaǵambetov UFC nusqasyndaǵy álem chempıonyn Astanaǵa jekpe-jekke shaqyrmaq
ASTANA. QazAqparat - Aralas jekpe-jek boıynsha túrli nusqalardaǵy álem chempıony qazaqstandyq Qanat Dosmaǵambetov UFC nusqasyndaǵy álem chempıonyn Astanaǵa jekpe-jekke shaqyrmaq. Bul týraly búgin Astanada ótken baspasóz máslıhatynda «Pankratıon» kúresinen Azııa federatsııasynyń prezıdenti Erık Asenov aıtty.
Onyń aıtýynsha, Q. Dosmaǵambetov 31 tamyzda Las-Vegasta (AQSh) ótetin UFC nusqasyndaǵy eks-chempıon brazılııalyq Renan Barao men qazirgi chempıon AQSh-tyq Tı Djeı Dıllashoý arasyndaǵy jekpe-jekte anyqtalatyn jeńimpazben Astanada kúsh synasatyn bolady.
«Biz 31 tamyzdaǵy jekpe-jekte kim jeńetinin kútemiz. Sosyn 61 keli salmaqtaǵy UFC chempıonyn resmı túrde jekpe-jekke shaqyramyz. Bul kásibı sport, onda kóp mólsherde syılyq qory bolady. Sondyqtan ondaı qarajattan eshkim bas tartpaıdy. Al bizde ondaı syılyq kólemin qoıýǵa kómek kórsetetin demeýshimiz bar. Biz qarsylasty Astanaǵa ádeıi shaqyryp otyrmyz. Bul jekpe-jek EHRO-2017 kórmesi qarsańyndaǵy elordamyzǵa jasalǵan jaqsy jarnama bolady», - dep atap ótti ol.
Asenovtiń aıtýynsha, Q. Dosmaǵambetov 25-27 shildede Býrabaı kýrorttyq aımaǵynda ótken HІÚ dástúrli halyqaralyq «Býrabaı-Pankratıon-2014» aralas jekpe-jek týrnırinde chempıon atanyp, óziniń álemdik deńgeıge shyǵýǵa tolyqtaı múmkindigi bar ekenin taǵy da bir dáleldedi. Aıta keteıik, Q. Dosmaǵambetov buǵan deıin tórt ret álem chempıony atanǵan. 21 jastaǵy sportshy aralas jekpe-jekpen 12 jasynan beri aınalysady. Jeke bapkeri - aralas jekpe-jekten 9-dan ıegeri Saıat Erjanov.
