Qazaqstandyq Alekseı Lýtsenko «Parıj - Nıtstsa» kópkúndiginde besinshi kezeńniń jeńimpazy atandy

Besinshi kezeńde sportshylar 198 shaqyrymdy júrip ótti. Márege 28 shaqyrym qalǵanda, alda ketip bara jatqan Antýan Dıýshendi qýyp jetken A.Lýtsenko sodan keıin eshkimge des bermeı, máre syzyǵyn jekedara qıdy.

«Parıj - Nıtstsa» kópkúndiginde jalpy esepte qazaqstandyq velosportshy ekinshi orynda keledi.

Jıyrma úsh jastaǵy A.Lýtsenko Soltústik Qazaqstan oblysynda týyp-ósken. 2013 jyly 23 jasqa deıingiler arasynda toptyq básekede álem chempıony atanǵan. Sol jyly «Astana» komandasynyń quramyna alynǵan Alekseı sondaı-aq Azıada chempıony atanyp, eki márte «Almaty týry» jarysyn utqan.

QR Mádenıet jáne sport mınıstrligi Sport jáne dene shynyqtyrý isteri komıtetiniń baspasóz hatshysy Baqytbek Hamıttiń habarlaýynsha, bul - A.Lýtsenkonyń ázirge eń jarqyn jeńisi. Ol Rıo-de-Janeıroda ótetin olımpıada oıyndarynda el namysyn qorǵaıdy.