Qazaqstandyq alpınıster komandasy álemde birinshi bolyp «Ǵalamshardyń 14 bıik shyńy» baǵdarlamasyn oryndady
ALMATY. Mamyrdyń 24-i. QazAqparat - Qazaqstandyq alpınıster komandasy álemde birinshi bolyp «Ǵalamshardyń 14 bıik shyńy» baǵdarlamasyn oryndady. Atap aıtqanda, mamyrdyń 16-synda bizdiń alpınıster álemniń taǵy bir shyńyn - bıiktigi 8515 metrlik Lhotsze shyńyn baǵyndyrdy, endi olar rekordqa talasa alady.
QazAqparatqa bul týraly «K2 communications» Strategııalyq kommýnıkatsııalar agenttiginen habarlady.
Atalǵan kúni Lhotsze shyńynda Qazaqstannyń kók týy taǵy bir ret kóterildi. Dańqty sportshy, álem alpınısteriniń arasyndaǵy eń bedeldi «Altyn muzshapqyshy» nagradasynyń úsh dúrkin ıegeri Denıs Ýrýbko ońtústik jaqtan, jańa baǵyttan kóterilip, Lhotsze shyńyn baǵyndyrdy. Álemniń nebir saıypqyran alpınısteri 50 jyl boıy arman etip kele jatqan bul baǵytty Denıs bastapqyda ıtalıandyq Sımone Moromen birge baǵyndyrmaq bolǵan edi. Biraq, tehnıkalyq sebeptermen onyń seriktesi jarty jolda qalyp qoıdy. Denıs óz armanyn jalǵyz oryndady.
