Qazaqstandyq alpınıster álemdik tuǵyrnamanyń joǵarǵy satylaryna nyq ornyqty
/strong>Mamyrdyń 15-i. QazAqparat /Ádilet Musahaev/ - Qazaqstandy álemdik sporttyq qaýymdastyqta alpınıstik baǵytta tanystyrýda óz jetistikterimizben maqtana alamyz. Bul jaıynda elimizdiń ataqty alpınısi Denıs Ýrýbko búgin ótken baspasóz máslıhatynda aıtty,
dep habarlaıdy QazAqparat.
D.Ýrýbko óziniń áriptesi Borıs Dedeshkomen birge 2009 jyldyń qorytyndysy boıynsha Frantsııada alpınızm álemindegi eń joǵary marapat - «Altyn muzjarǵysh» júldesine ıe bolǵandyǵyn jetkizdi. Bul syılyqty olar Gımalaıdaǵy Cho-Oııý (8201 metr) shyńyn jańa baǵyt boıynsha - ońtústik-shyǵys jotasynan baǵyndyrǵandary úshin alǵan.
«Bul syılyqqa Qazaqstan birinshi ret qol jetkizip otyr, buryn bul marapatty reseılikter ıelenip kelgen bolatyn. Osy joly amerıkandyq, brıtandyq jáne eki Reseı komandalaryn artqa qaldyryp, úlken dárejege qol jetkizdik. Bul bizdiń burynnan ańsap kelgen armanymyz edi», deıdi alpınıster.
