Qazaqstandyq alpınıster 8516 metrlik Lhotsze shyńyn baǵyndyrdy
ALMATY. Mamyrdyń 21-i. QazAqparat /Erbol Azanbek/ - Qazaqstandyq alpınıster mamyrdyń 16-sy kúni Gımalaıdaǵy bıiktigi 8516 metrlik Lhotsze shyńyn baǵyndyrdy.
Bul qazaqstandyqtar shyqqan álemdegi eń bıik 14-shi shyń, dep habarlaıdy QazAqparat.
Alpınısterimiz Lhotszeni bir kúnde 2 ret baǵyndyrǵan. Birinshisinde top múshesi Denıs Ýrýbko jalǵyz ózi shyńnyń ońtústik bóligi arqyly shyǵyp, Qazaqstan jalaýyn jelbiretse, ekinshisinde alpınıster toby soltústik bóligi arqyly kóterilgen. Atalǵan shyńdy álem alpınısteri sońǵy 50 jyldan beri baǵyndyrýdy armandap kelgenin atap ótken jón. Jerlesterimiz Lhotszeni baǵyndyrýmen qatar «Álemniń eń bıik 14 shyńy» baǵdarlamasyn oryndap otyr. Esterińizge sala keteıik, Qazaqstandyq shyńǵa shyǵýshylar osy baǵdarlamany álemde eń birinshi bolyp oryndap otyr. Buǵan deıin birde-bir top álemdegi eń bıik 14 shyńdy baǵyndyryp kórgen joq.
