Qazaqstandyq aktrısa Qyrǵyzstannyń alǵashqy mıýzıklinde basty róldi somdady
ASTANA. QazAqparat - Qazaqstandyq aktrısa, tanymal ánshi Saltanat Baqaeva kórshiles Qyrǵyzstannyń «Darak yry» («Aǵash jyry») tarıhı kınosynda basty róldi somdady, dep habarlaıdy QazAqparat.
Aıta keteıik, «Darak yry» - mıýzıkl janrynda túsirilgen Qyrǵyzstannyń alǵashqy kınotýyndysy.
«Meniń paraqshamnyń turaqty kórermeni biler, kúzde Qyrǵyz eliniń eń alǵashqy tarıxı «Daraq yry» atty mıýzıklinde basty ról buıyrdy. Men úshin bul tolyq metrajdy kınoda alǵashqy qadamym boldy, jáne sol sebepti ózime óte ystyq! Maǵan senim artyp, shaqyrǵandary úshin búkil ujymǵa alǵysymdy bildiremin! Choń raxmat!», - dep jazdy Baqaeva Instagramdaǵy paraqshasynda.
Fılm sıýjetine erte zamannan búgingi urpaqqa jetken qyrǵyz ańyzy negiz bolǵan. Kartınadan XVIII ǵasyrdaǵy qyrǵyz halqynyń dástúrin, mádenıetin, án-jyrlaryn tamashalaýǵa bolady. Atalǵan týyndy 1 naýryzdan bastap, Qyrǵyz eliniń kınoteatrlarynda kórsetilip jatyr.
Aıta keteıik, tarıhı mıýzıkl saýndtregin qyrǵyzstandyq ánshi Juldyz Osmonalıeva jáne TMD aýmaǵyna belgili «Gorod 312» tobynyń ánshisi, Bishkekte týyp-ósken Svetlana Nazarenko oryndaǵan.
