Qazaqstandyq akterge reseılik kınorejısserler qyzyǵýshylyq tanytyp otyr
ASTANA. QazAqparat - Qazaqstandyq akter Erbolat Toǵyzaqov otandyq qana emes, reseılik kınoındýstrııada da suranysqa ıe, dep jazady express-k.kz.
Jýyrda ol Oleg Sokolovtyń «Qara ózen» telehıkaıasynda baqsynyń rólin oınaǵan.
«Qara ózen» fılmi Perm mańyndaǵy Ýsva ózeniniń mańynda jáne ıAroslavlde túsirildi. Bastapqyda fılmdi Altaı ólkesinde túsirý josparlanǵan. Alaıda sel saldarynan bul oılarynan bas tartty. Erbolat aıtqandaı, bul róli úshin ol saqal da ósiripti.
«Bul - meniń qatysýymmen túsirilgen alǵashqy reseılik fılm, - dedi Erbolat. - Taıgada turý unady».
Reseılik fılmde Erbolat baqsynyń rólin oınasa, gollıvýdtyq rejısser Pıter Ýırdiń «Obratnyı pýt» kartınasynda 2009 jyly GÝLAG tutqyndaryna kómektesken tıbettik sopynyń rólin oınaǵan. Onda 7 tutqynnyń Sibirden Úndistanǵa qaraı jaıaý qashýy týraly baıandalady.
Keler jyly Toǵyzaqovty birqatar fılmderden kóre alamyz.
