Qazaqstandyq akter «KınoShok» festıvalinde «Eń úzdik er adam róli» atalymy boıynsha syılyqqa ıe boldy
ASTANA. QazAqparat - Anapada TMD, Latvııa, Lıtva jáne Estonııanyń «KınoShok» atty XXIV ashyq kıno festıvali ótti. Bizdiń otandasymyz Jandos Aıbasov úshin ol ataýly shara boldy. Akter Ermek Tursynovtyń «Kenje» fılmindegi «Eń úzdik er adam róli» atalymynda syılyqqa ıe boldy, dep habarlanady festıvaldiń resmı saıtynan.
J.Aıbasov bul qýanyshty habarmen Instagram áleýmettik jelisindegi akkaýnt arqyly bólisti. «KınoShok bizdiki! Osy jobamen jumys istegenderdiń barlyǵyna rahmet!» - dep jazdy akter.
Jandos Aıbasov Sáken Joldastyń «On ı ona» fılmindegi rólinen keıin erekshe tanymal boldy. Odan keıin akterdiń fılmografııasy «Qazaqsha tonaý», «Kenje» fılmderimen jáne tanymal amerıkalyq «Marko Polo» serıalyndaǵy jumysymen tolyqty.
«Kenje» kartınasy rejısser E.Tursynov trılogııasynyń sońǵy bóligi bolyp tabylady. Odan basqa, trılogııaǵa atyshýly «Kelin» fılmi jáne «Shal» kınokartınasy kiredi.
2013 jyly «Shal» kartınasy «KınoShok» festıvaliniń bas júldesin, al bas róldi somdaǵan Erbolat Toǵyzaqov «Eń úzdik er adam róli» atalymynda syılyq alǵanyn aıta ketken jón.
