Qazaqstandyq akrobattar Býenos-Aıres-2018 oıyndaryna joldama aldy
ASTANA. QazAqparat - Qazaqstandyq sportshylar Dmıtrıı Nemerenko men Anastasııa Arhıpova Býenos-Aıreste ótetin jasóspirimder Olımpıadasynyń lıtsenzııasyn utyp aldy, dep habarlaıdy «SPORTINFORM» QR UOK silteme jasap.
Bizdiń akrobattar 5-10 sáýir aralyǵynda Belgııanyń Antverpene qalasynda sporttyq akrobatıkadan ótken álem chempıonatynda, 13-19 jas aralyǵyndaǵy aralas jup sanaty boıynsha óner kórsetti.
Alaıda, bul toptaǵy básekeniń jeńimpazdary bizdiń basqa otandastarymyz Nıkıta Amoskın men Anastasııa Dolganıýk bolatyn.
Nátıjeler qos saıystaǵy tepe-teńdik jáne dınamıka qorytyndylary boıynsha shyǵaryldy. Amoskın-Dolganıýk juby 56,400 nátıjesin kórsetse, Nemerenko-Arhıpova juby 54,550 nátıjesimen segizinshi orynǵa taban tiredi.
Jeńimpazdardyń Olımpıadaǵa jastary kelmeıtindikten, Býenos-Aıres - 2018 oıyndarynyń joldamasy olardan jastary sál kishi - Nemerenko-Arhıpova jubyna berildi.
