Qazaqstandyq «Aqqyz» jáne «Kóke» fılmderi ІX Qazan halyqaralyq musylman kınosynyń festıvaline qatysady
ASTANA. 17 tamyz. QazAqparat - ІX Qazan halyqaralyq musylman kınosynyń festıvaline qazaqstandyq eki kartına ótti. Olar - «Aqqyz» dramasy men «Kóke» qysqametrajdy fılmi. Baıqaýdan ótken kartınalardyń tizimi festıvaldiń resmı saıtynda jarııalandy.
Atalǵan festıval Tatarstan astanasynda 5-11 qyrkúıek aralyǵynda ótedi. Konkýrstyq baǵdarlamaǵa álemniń 25 elinen 49 fılm endi. Onyń ishinde Tatarstannyń tól kartınalary da bar. Komıssııa músheleri bárinen buryn zorlyq-zombylyqtyń nasıhattalmaýyn, uıatsyz kórinisterdiń bolmaýyn jiti baqylap otyrdy.
Rejısser Aınur Ysmaıylovanyń «Kóke» qysqametrajdy fılminde ákesin jer qoınyna tapsyrǵannan keıin kishkentaı balanyń aldynan eresek ómir esiginiń aıqara ashylýy beınelenedi.
Jańabek Jetirýovtyń «Aqqyz» kartınasy ejelgi qazaqtardyń álemniń qurylýy jónindegi mıfologııalyq tanymyna negizdelgen. Ańyz boıynsha, Qudaı Jer betindegi tirshilikti jaratpas buryn aqqýdy jaratqan. Tirshilik osy aqqýdyń jumyrtqasynan bastaý alady-mys.
