Qazaqstandyq Ademi men reseılik ánshi Soso Pavlıashvılı dýet bolyp án shyrqady
ALMATY. QazAqparat - Qazaqstandyq Ademi men reseılik ánshi Soso Pavlıashvılı «Júregimdegi kóktem» dep atalatyn birlesken kompozıtsııany jazyp shyqty.
Bul týraly búgin qazaqstandyq ánshiniń prodıýseri Roman Samsakov habarlady.
Aıta ketelik, Ademi Reseıdiń Sochı qalasynda ótken «Jańa tolqyn-2015» baıqaýynda ekinshi oryn alǵan bolatyn. Sondaı-aq, kórermender kózaıymy júldesin jeńip aldy.
Bul baıqaý tarıhynda qazaqstandyq oryndaýshylar úshin eń joǵarǵy nátıje.
Soso Pavlıashvılımen birlese shyǵarmashylyq jumys jasaý jóninde kelissózder bir aıǵa jýyq ýaqytqa sozylǵan.
Sonyń nátıjesinde S. Pavlıashvılı Ademi-ge óziniń «Júregimdegi kóktem» kompozıtsııasyn dýet bolyp oryndaýdy usynǵan. Bul kompozıtsııa ánshiniń Máskeýdegi dybys stýdııasynda jazyldy.
Endi aldaǵy ýaqytta bul án Reseı men Qazaqstannyń radıostansalarynda shyrqalatyn bolady. Al aldaǵy maýsym aıynda mýzykanttar Máskeýde ánniń klıpin túsirýdi josparlap otyr.
Ademi-niń aıtýynsha, oǵan Sosomen jumys istegen óte unaıdy. Soso kóńilge senim uıalatyp, jumysqa yntalandyra biletin kásipqoı ánshi. Budan basqa, Soso Pavlıashvılı Ádemige óziniń avtorlyq lırıkalyq ánin syıǵa tartypty. Muny Ádemi kóp uzamaı tyńdarmandarynyń nazaryna usynatyn bolady.
