Qazaqstandyq A.Ospanova Túrkııada ótken ústel tennısinen jarysta úsh medal jeńip aldy
ASTANA. QazAqparat - Túrkııanyń Kemer shıpajaı qalasynda ardagerler arasynda ústel ústindegi tennısten 21-shi halyqaralyq jarys ótti. Onda álemniń 30 elinen jınalǵan 400-den astam adam kóptegen jankúıerlerine óz sheberlikterin kórsetti, dep jazady Sports.kz.
Jarysta eki altyn jáne bir kúmis medaldi KSRO sport sheberi, respýblıkanyń eńbegi sińgen jattyqtyrýshysy almatylyq Aıman Satqymbaıqyzy Ospanova jeńip aldy. Ol jeke esepte jáne juptyq razrıadta Larısa Andreevamen (Reseı) oınap birinshi oryn, sýperfınalda 2-oryn aldy.
