Qazaqstandyq 9 boksshy IBO TOP-100 reıtıngine endi
ASTANA. QazAqparat - Qazaqstandyq 9 kásipqoı boksshy Halyqaralyq boks uıymy (IBO) barlyq salmaq dárejesi ókilderiniń jańartylǵan reıtınggine endi, dep habarlaıdy QazAqparat.
Jańa reıtıngide jartylaı aýyr salmaqta Álı Ahmedov 12 satyǵa joǵarlap 40 - orynǵa, birinshi jartylaı orta salmaqta Batyrjan Júkembaev 18 saty joǵary jyljyp 48 - orynǵa jaıǵasty.
Birinshi aýyr salmaqtaǵy Isa Aqberbaev (32 - oryn), jeńil salmaqta Janat Jaqııanov(17 - oryn) orta salmaqtaǵy Meıirim Nursultanov (89 - oryn) óz reıtıngilerin saqtap qaldy.
Birinshi orta salmaqta Qanat Islam 1 satyǵa alǵa jyljyp, 6 - orynnan kórindi. Al jartylaı orta salmaqtaǵy boksshy Janqosh Turarov 58 (-1), jeńil salmaqta Aıdar Sharıbaev 98(-3), birinshi jeńil salmaqta Bekman Soılybaev 50(+1) - orynnan kórindi.
