Qazaqstandyq 7 boksshy «Ulttar kýbogi» halyqaralyq týrnıriniń kelesi kezeńine ótti

ASTANA. QazAqparat - Serbııada áıelder boksynan «Ulttar kýbogy» halyqaralyq týrnıriniń alǵashqy jarys kúni aıaqtaldy.

Olympic.kz qazaqstandyq boksshylardyń nátıjesin nazarlaryńyzǵa usynady.

Aızada Eslıamǵalı reseılik Galıýsa Galıevany 3:2 esebimen jeńdi. Jansaıa Ábdiraıymova taǵy bir reseılik sportshy Anna Poskrebyshevadan basym tústi.

Álem chempıony Nazym Qyzaıbaı frantsııalyq Delfın Mansınıdi 3:0 esebimen utsa, Dına Jolaman horvatııalyq Tatıana Koshakty aıqyn basymdyqpen jeńdi.

Sánııa Sultanqyzy Makedonııa ókili Tamara Radýnovıchti 5:0 esebimen jeńse, Álııa Ábdiraıymova rıng qojaıyny Nıkolına Gaıchten basym tústi.

Qazaqstan quramasynyń qos ókili Baıan Aqbaeva men Láıla Qusaıynovanyń kezdesýi Baıannyń jeńisimen aıaqtaldy.

Al Áıgerim Qasenaeva, Aıjan Mádibek, Balaýsa Muzdımandar qarsylastaryna jol berip, jeńilis tapty.