Qazaqstandyq 6 jasar tennısshi Rafael Nadal akademııasy týrnıriniń fınalısi atandy
NUR-SULTAN. QazAqparat – Qazaqstandyq 6 jasar tennısshi Aısha Ahmetbekova Rafael Nadal akademııasy týrnıriniń fınalısi atandy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, Ispanııanyń Manakor qalasynda 10 jasqa deıingiler arasynda Summer Camp Tournament halyqaralyq týrnıri máresine jetti.
Dástúrli jarysta 2015-2016 jylǵylar arasynda Aısha Ahmetbekova fınalǵa deıin jetti. Tıtýldyq matchta ol taı-breıkte ǵana ıspanııalyq Mýhıt Strımaǵa ese jiberdi – 6:7.
Nadal akademııasy ataqty oıynshynyń týǵan qalasy - Manakorda oryn tepken. Onda tárbıelenýshiler kásibı sportpen aınalysýmen qatar dástúrli bilim alady. Akademııanyń Nadal men onyń komandasynyń kóp jyldyq tájirıbesine negizdelgen ózindik oqytý júıesi bar.
Astanada Ulttyq tennıs ortalyǵynda jattyǵatyn Aısha osy akademııaǵa baryp, sheberligin ushtap turady.
Eske sala keteıik, budan buryn qazaqstandyq jas tennısshilerdiń halyqaralyq týrnırlerde úzdik shyqqanyn jazǵan bolatynbyz.
Sondaı-aq qazaqstandyq Anna Danılına juptyq synda álemdegi úzdik 20 tennısshiniń qataryna kirdi.
Foto: ktf.kz
