Qazaqstandyq 6 aýyr atletten dopıng anyqtaldy

NUR-SULTAN. QazAqparat – Otandyq 6 birdeı aýyr atletten dopıngke qarsy synaq kezinde oń nátıje anyqtaldy, dep habarlaıdy QazAqparat tilshisi QR Aýyr atletıka federatsııasyna silteme jasap.

«2022 jylǵy 9 aqpan men 2 naýryz aralyǵynda Qazaqstan ulttyq dopıngke qarsy kúres ortalyǵy jarystan tys dopıng-baqylaý aıasynda aýyr atletıkadan QR Ulttyq qurama komandasynyń sportshylaryn testileýden ótkizdi», - delingen habarlamada.

Baqylaý qorytyndysy boıynsha kelesi sportshylarda oń dopıng-synamalar anyqtaldy:

1. Áýelhanov Abylaı

2. Son Igor

3. Potasova ıÝlııa

4. Chalkarova Rýfına

5. Drozdov Alekseı

6. Makrýshın Matveı.

Federatsııa taratqan málimetke sáıkes, joǵaryda atalǵan barlyq sportshy Almaty oblysynyń ókilderi.

«Dopıngke nóldik tózimdilik saıasatyn ustana otyryp, QR Aýyr atletıka federatsııasy bul oqıǵaǵa ishki tergeý júrgizýge nıetti», - deıdi atalǵan vedomstvodan.