Qazaqstandyq 5 jas tennısshi Eýropadaǵy týrnırlerdiń fınalyna shyqty
NUR-SULTAN. QazAqparat – Qazaqstandyq jas tennısshiler Arýjan Saǵyndyqova, Lınara Bólesheva, Eva Korysheva, Robert Kamınskıı jáne Rodıon Traıgel Eýropadaǵy týrnırlerdiń fınalyna shyqty, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, Arýjan Saǵyndyqova Germanııada 18 jasqa deıingiler arasynda ekinshi sanattaǵy ITF jarysynyń jartylaı fınalynda Italııa jastar quramasynyń kóshbasshysy Federıka Ýrgessıdi 6:3, 6:3 esebimen tize búktirdi.
Arýjan senbi kúni fınalda dodanyń birinshi raketkasy, argentınalyq Lýchıano Maıonamen sheberlik baıqasady.
Armenııa astanasy Erevanda 12 jasqa deıingiler arasynda úshinshi sanattaǵy Tennis Europe týrnırinde qazaqstandyqtar aldyna jan salmady. Juptyq synda qazaqstandyqtar Robert Kamınskıı men Gıorgı Bregvadze fınalda otandastary Aleksandr Sofrygın – Dıas Tólepbergenovti jeńdi – 6:3, 6:4. Jekeleı synda da qazaqstandyqtar Robert Kamınskıı men Rodıon Traıgel fınalda ózara kezdesedi. Sondaı-aq qyzdar arasynda Lınara Bólesheva fınalǵa shyqty.
Grýzııadaǵy 14 jasqa deıingiler arasynda úshinshi sanattaǵy Tennis Europe dodasynda Eva Korysheva jartylaı fınalda osy týrnırdiń ekinshi raketkasy, rýmynııalyq Eva Tışenkony joldan taıdyrdy – 6:4, 6:4.
Eske sala keteıik, budan buryn qazaqstandyq tennısshilerdiń AQSh-taǵy jarystyń jartylaı fınalyna shyqqanyn jazǵan bolatynbyz.
