Qazaqstandyq 5 boksshy WBO jańartylǵan reıtıngine endi

NUR-SULTAN. QazAqparat - Dúnıejúzilik boks uıymy (WBO) barlyq salmaq sanaty boıynsha qarasha aıynyń jańartylǵan reıtıngin jarııalady, dep habarlaıdy QazAqparat.

Jańartylǵan reıtıngke 5 qazaqstandyq boksshy kirdi.

Sýper orta salmaqta WBO Global tıtýlynyń ıegeri Aıdos Erbosynuly eki satyǵa joǵarylap, tórtinshi orynnan kórindi.

Osy salmaqta óner kórsetetin taǵy bir otandasymyz Álı Ahmetov 15-orynǵa jaıǵasty.

Orta salmaqta WBO Global tıtýlynyń ıegeri Jánibek Álimhanuly (3 oryn) jáne WBO International tıtýylynyń ıegeri Qanat Islam (4 oryn) reıtıngtegi orynyn saqtap qaldy.

Birinshi orta salmaqta WBO Asia-Pacific Youth tıtýlynyń ıegeri Nurbol Sultanbaı 16-orynnan kórindi.