Qazaqstandyq 5 boksshy Taıland týrnıriniń fınalyna shyqty

NUR-SULTAN. QazAqparat - Taılandtyń Phýket qalasynda qalasynda ótip jatqan Thailand Open-2022 týrnırinde qazaqstandyq boksshylardyń fınaldaǵy qarsylastary anyqtaldy, dep habarlaıdy QazAqparat tilshisi.

Aıta ketsek, el quramasynan fınalǵa Serik Temirjanov (57 keli), Sultan Mýsınov (63 keli), Aslanbek Shymbergenov (69 keli), Nurbek Oralbaı (81 keli) jáne Aıbek Oralbaı (91 keli) shyqty.

Olardyń 9 sáýirde ótetin fınaldaǵy qarsylastary mynalar:

57 keli. Serik Temirjanov pen ıAn Klark Baýtısta (Fılıppın)

63 keli. Sultan Mýsınov pen Somchaı Vongsývan (Taıland)

69 keli. Aslanbek Shymbergenov pen Býndjong Sınsırı (Taıland)

81 keli. Nurbek Oralbaı men Ashısh Kýmar (Úndistan)

91 keli. Aıbek Oralbaı men Djakkapong Iomhot (Taıland).

Eske sala keteıik, olardan basqa atalǵan týrnırde 52 kelide Aıatýlla Tákijanov, Sáken Bıbosynov, 63 kelide Sanatálı Tóltaev, 75 kelide Tımýr Nurseıitov, 91 kelide Saǵyndyk Toǵambaı jarystyń túrli satysynda jarys jolynan shyǵyp qaldy.