Qazaqstandyq 5 boksshy qyz álem chempıonatynyń shırek fınalyna shyqty

ASTANA. QazAqparat  - Bokstan Úndistan astanasynda ótip jatqan áıelder arasyndaǵy álem chempıonatynda Qazaqstan quramasynan bes boksshy shırek fınalǵa ótti, dep habarlaıdy QazAqparat tilshisi.

QR Ulttyq olımpıada komıteti baspasóz qyzmetiniń habarlaýynsha, Jaına Shekerbekova (51 keli), Mılana Safronova (64 keli), Karına Ibragımova (48 keli), Farıza Sholtaı jáne Lázzat Kúngeıbaeva álemdik synnyń jartylaı fınalyna shyǵý úshin baryn salmaq.

Qazaqstan quramasy shırek fınalǵa ótken sportshylar sany boıynsha úshinshi orynda tur. Birinshi orynda jarysty jalǵastyratyn 9 sportshysy bar Qytaı kele jatsa, ekinshi orynda - 8 boksshysy túgel Úndistan komandasy tur.

Qazaqstandyq boksshy qyzdardyń shırek fınaldaǵy qarsylastary:

Karına Ibragımova - Venlıý ıAng (Qytaı)

Farıza Sholtaı - Vıktorııa Kebıkava (Belarýs)

Jaına Shekerbekova - Sandra Drabık (Polsha)

Mılana Safronova - Marııa Bova (Ýkraına)

Lázzat Kúngeıbaeva - Danıela Perkıns (AQSh)