Qazaqstandyq 5 boksshy «Altyn qolǵap» ıegeri atandy

ASTANA. QazAqparat - Serbııanyń Sýbotıtsa qalasynda ótken «Altyn qolǵap» halyqaralyq týrnırinde Qazaqstan jastar quramasynyń boksshylary 5 altyn, 1 kúmis, 1 qola medal jeńip aldy, dep habarlaıdy QazAqparat tilshisi.

QR Boks federatsııasynyń baspasóz qyzmeti málim etkendeı, jastar arasyndaǵy halyqaralyq týrnırge Qazaqstan boksshylaryn qosa alǵanda álemniń 23 memleketiniń sportshylary baq synaǵan. Jarys 10 salmaq dárejesinde ótti.

Qazaqstandyq balǵyn bylǵary qolǵap sheberleri on salmaqtyń beseýinde top jaryp, «Altyn qolǵap» týrnıriniń chempıony atandy. Olar - Talǵat Syrymbetov (52 keli), Arnur Ahmetjanov (91 keli), Nadejda Rıabets (75 keli), Gúzal Sadyqova (81 keli), Dına Islambekova (+81 keli).  Al Azat Asanov (69 keli) kúmis júldeni qanjyǵasyna baılasa, Erkejan Dáýletjanqyzy qola júldeger atandy.