Qazaqstandyq 40 oqýshy Azııa-Tynyq muhıty matematıkalyq olımpıadasynyń jeńimpazy atandy
Nur-Sultan, Almaty, Qostanaı jáne Qaraǵandy qalalarynyń oqýshylary altyn medal jeńip aldy. Sonymen qatar olımpıadada Aqtaý, Atyraý, Qyzylorda jáne Pavlodar mektepteriniń oqýshylary da úzdikterdiń qatarynan kórindi. Olımpıada jeńimpazdary halyqaralyq IMO olımpıadasyna qatysý úshin Qazaqstan quramasyna kirý múmkindigine ıe bolady.
Zııatkerlik saıysqa álemniń 38 elinen júzdegen mektep oqýshysy qatysty. Olardyń qatarynda Japonııa, Aýstralııa, Kanada, Sıngapýr, AQSh, Argentına, Gonkong, Indonezııa, Malaızııa, Meksıka, Katar, Koreıa, Túrkııa jáne t.b. elder bar.
«Bıyl halyqaralyq olımpıada oflaın formatta ótti.
Qazaqstan atynan elimizdiń túkpir-túkpirinen 131 oqýshy qatysty.
Bıyl bizdiń oqýshylar úzdik nátıje kórsetkenin aıta ketken jón.
Mysaly, byltyr qazaqstandyq oqýshylar 3 altyn alsa, bıyl olardyń sany 5-ke jetti. Azııa-Tynyq muhıty elderiniń matematıkalyq olımpıadasyndaǵy jeńisi oqýshylarymyzǵa ulttyq qurama qataryna qosylyp, IMO-da respýblıka namysyn qorǵaýǵa múmkindik beredi. Balalar
Qazaqstandy halyqaralyq arenada laıyqty tanyta alýy úshin biz el ishinde túrli deńgeıde olımpıadalar ótkizemiz. Olımpıadada jeńister ádil jáne adal bolýy úshin ony elektrondy formatqa aýystyrdyq, odan bólek kameralar satyp aldyq. Byltyr oqýshylarymyz iri halyqaralyq olımpıadalarda rekordtyq kórsetkishke qol jetkizip, el qorjynyna 26 medal ákeldi», - dep atap ótti «Daryn» respýblıkalyq ǵylymı-praktıkalyq ortalyǵynyń dırektory Tımýr Nurkeshov.
Aıta keteıik, Halyqaralyq Azııa-Tynyq muhıty matematıkalyq olımpıadasy jarysqa qatysýshylar eliniń aýmaǵynda oflaın formatta ótti.
Sondaı-aq oqýshylar halyqaralyq olımpıadany uıymdastyrý komıtetinen bir ýaqytta tapsyrmalar aldy.
