Qazaqstandyq 4 taekvondoshy Taıpeıdegi gran-prı týrnırine qatysady
ASTANA. QazAqparat - Búgin Taıpeıdiń Taoıýan qalasynda taekvondodan G4 sanatyndaǵy Gran-prı týrnıri ótedi. Atalǵan synǵa tórt qazaqstandyq sportshy qatysady, dep habarlaıdy Olympic.kz.
Gran-prı básekesinde el namysyn Jansel Denız (67 keli), Rýslan Japparov (80 keliden joǵary), Nurlan Myrzabaev (80 kelige deıin) jáne Smaıyl Dúısebaı (87 kelige deıin) qorǵaıdy.
Alǵash bolyp aýyr salmaqtaǵy sportshylar - Rýslan Japparov pen Smaıyl Dúısebaı baq synaıdy.
"Jyl saıyn shamamen 5-6 Gran-prı týrnıri ótedi. Al bul jarysqa reıtıngtegi alǵashqy 30 sportshy ǵana qatysa alady. Sondyqtan, bizdiń quramadan reıtıngte joǵary oryndarda turǵan tórt sportshy attandy. Bıyl Gran-prı týrnıriniń fınaldyq kezeńi Birikken Arab Ámirlikterindegi Fýdjeıra qalasynda ótedi. Bizdiń sportshylarymyz fınaldyq synǵa ótý úshin baryn salady", - deıdi taekvondodan ulttyq quramanyń aǵa bapkeri Batyrbek Esdáýletov.
