Qazaqstandyq 4 boksshy Galledegi halyqaralyq týrnırdiń fınalyna ótti
ASTANA. QazAqparat - Galledegi (Germanııa) «Chemistry Cup» halyqaralyq týrnıriniń fınalynda jartylaı fınaldyq jekpe-jekterde jeńip shyqqan tórt qazaqstandyq boksshy joǵary nagrada úshin saıystaryn jalǵastyrady, dep habarlady Qazaqstandyq boks federatsııasynyń baspasóz qyzmeti.
«Ádilbek Nııazymbetov (81 keli) komandadaǵy áriptesi budan buryn habarlanǵandaı, alǵashqy fınalıst bolǵan Temirtas Júsipovtiń (49 keli) jeńisti jolyn jalǵastyrdy. Jartylaı fınalda Ádilbek Germanııadan Serga Mıtheldi jeńip shyqty. Rıng qojaıyny jeńisti qoldan bermeýge qansha tyryssa da, Álem chempıonaty men Olımpıadalyq oıyndardyń kúmis júldegeriniń tájirıbesi men sheberligi onyń mysyn basyp, 2:1 esebimen qazaqstandyq boksshy alǵa shyqty. Fınalda Nııazymbetov Almatydaǵy álem chempıonatynyń qola júldegeri ırlandtyq Djo Ýardpen saıysqa túsedi», delingen habarlamadva.
Reseı chempıony Vasılıı Vetkın de Іlııas Súleımenovtiń (52 keli) fınalǵa shyǵýyna tosqaýyl bola almady. Іlııas 2:1 esebimen jeńiske jetti. Endi sheshýshi matchta Іlııas bizdiń jankúıerlerge jaqsy tanys moldavan Aleksandr Ryskanmen sharshy alańǵa shyǵady.
Berik Ábdirahmanov (60 keli) ta jeńisti qoldan bermedi. 2013 jylǵy álem chempıonatynyń qola júldegeri Germanııadan boksshy Robert Arýtıýnıandy 2:1 esebimen tize búktirdi. Sóıtip qazaqstandyq ulttyq komanda músheleri alań ıeleriniń tórteýin shań qaptyrdy. Endi Ábdirahmanov ırlandtyq Devıd Djoıspen qolǵap túıistiredi.
