Qazaqstandyq 4 boksshy álem chempıonatynyń jartylaı fınalyna shyqty
NUR-SULTAN. QazAqparat - Polshada ótip jatqan jastar arasyndaǵy bokstan álem birinshiliginde birden 4 qazaqstandyq bylǵary qolǵap sheberi jartylaı fınalǵa shyqty, dep habarlaıdy Olympic.kz.
49 kelige deıingi salmaqta Sanjar Tashkenbaı ózbek Ibrahım Ishjonovty jeńdi. 56 kelige deıingi salmaqta Erbolat Sabyr kýbalyq Reı Hort Rodrıgesten basym tústi. 64 kelige deıingi salmaqta Sabyrjan Aqqalyqov taǵy bir kýbalyq óren Darın Favıerýden, Dıas Moljigitov lıtvalyq Aleksandr Trofımchýkten aılasyn asyrdy. Bulardyń bári kem degende osy álem chempıonatynyń qola júldesin alatyn mejede tur. Al endigi jekpe-jekten súrinbeı ótse, baıraqty básekeden altyn alyp qaıtady.
