Qazaqstandyq 30 jup nekelerin tirkeýge ótinishti «elektrondyq úkimet» portaly arqyly bergen
TANA. 2 qarasha. QazAqparat - «Elektrondyq úkimet» portaly arqyly nekeni tirkeý týraly ótinim berý qyzmetin paıdalanýshylar sany kóbeıip keledi.
Bul qyzmettiń artyqshylyǵyn Astana, Almaty, Qaraǵandy, Aqtóbe, Shymkent, Taraz, Atyraý, Óskemen, Esik jáne Balqash qalalarynyń turǵyndary baǵalap úlgerdi.
Bul týraly QR Baılanys jáne aqparat mınıstrliginiń baspasóz qyzmetinen habarlady.
Atalǵan qyzmetti paıdalanýshylardyń aıtýyna qaraǵanda, bul qyzmettiń eń utymdy tusy sol - Qazaqstan Respýblıkasynyń azamattary basqa elde, basqa qalada júrip-aq nekege turý týraly ótinish bere alady. Al, bir qalada ómir súrip jatqan bolashaq jas jubaılar nekege turý týraly ótinishti elektrondyq nusqada berý arqyly óz ýaqyttaryn únemdeıdi.
«Elektrondyq úkimet» portaly arqyly nekeni tirkeýge ótinish berý óte ońaı. Ol úshin elektrondyq ótinim berýshi azamattyń ekeýi de www.egov.kz portalynda tirkelýi tıis jáne olarda ESQ (elektrondyq sandyq qoltańba) bolýy kerek. Bul jerde aıtyp ótý kerek, atalǵan qyzmet túrin buryn nekede bolmaǵan jáne balalary joq azamattar ǵana paıdalana alady. Al, nekeni tirkeý qyzmeti úshin salynatyn memlekettik baj (bir aılyq eseptik kórsetkish mólsherindegi) salyǵyn elektrondyq ótinimdi berý kezinde tólem kártishkasynyń kómegimen portalda tóleýge bolady. Elektrondyq ótinim men ótinim berýshiler týraly málimetterdiń naqtylyǵyn tekserý aıaqtalǵan soń, jup nekeleriniń tirkeletin kúni men orny týraly habarlama alady.
Esterińizge sala keteıik, «elektrondyq úkimet» portaly arqyly nekege turýǵa ótinim bergen alǵashqy elý jup biregeı toı syılyǵy- otandyq estrada jáne televızııa juldyzdarynyń ataýly quttyqtaýyna ıe bolady.
