Qazaqstandyq 30 jup nekelerin tirkeýge ótinishti «elektrondyq úkimet» arqyly bergen
TANA. 2 qarasha. QazAqparat. «Elektrondyq úkimet» portaly arqyly nekeni tirkeý týraly ótinim berý qyzmetin paıdalanýshylar sany kóbeıip keledi. Bul qyzmettiń artyqshylyǵyn Astana, Almaty, Qaraǵandy, Aqtóbe, Shymkent, Taraz, Atyraý, Óskemen, Esik jáne Balqash qalalarynyń turǵyndary baǵalap úlgerdi.
Atalǵan qyzmetti paıdalanýshylardyń aıtýyna qaraǵanda, bul qyzmettiń eń utymdy tusy sol - Qazaqstan Respýblıkasynyń azamattary basqa elde, basqa qalada júrip-aq nekege turý týraly ótinish bere alady. Al, bir qalada ómir súrip jatqan bolashaq jas jubaılar nekege turý týraly ótinishti elektrondyq nusqada berý arqyly óz ýaqyttaryn únemdeıdi.
Esterińizge salyp ótemiz, «Elektrondyq úkimet» portaly arqyly nekege turýǵa ótinim bergen alǵashqy elý jup biregeı toı syılyǵy - otandyq estrada jáne televızııa juldyzdarynyń ataýly quttyqtaýyna ıe bolady.
