Qazaqstandyq 3 jas tennısshi Azııa reıtıngisinde kósh basynda tur
ASTANA. QazAqparat – Azııa tennıs federatsııasy 14 jáne 16 jasqa deıingi sportshylar arasynda jańartylǵan reıtıngini jarııa etti, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, 14 jasqa deıingiler arasynda astanalyq Albına Kákenova jyldy birinshi orynmen aıaqtaıdy.
Úzdik ondyqqa sondaı-aq aqtóbelik Eva Korysheva (4-oryn), astanalyq Arıana Gogýlına (8-saty) kirdi.
Al 16 jasqa deıingiler arasynda almatylyq Safına Safıýllına men taǵy bir elordalyq Temirlan Kárim kósh bastap keledi. Qyzdardan almatylyqtar Danaııa Amanǵajıeva altynshy, Polına Sleptsova jetinshi, Aııa Nupbaı onynshy satyǵa jaıǵasty. Bozbalalardan astanalyq Vıacheslav Kýfeld úshinshi, almatylyq Tıhon Sorokın segizinshi orynda tur.
Eske sala keteıik, budan buryn Aqtóbede 18 jasqa deıingiler arasynda ótken jarysta qazaqstandyq tennısshiler absolıýtti jeńimpaz atanǵanyn jazǵan bolatynbyz.
Foto: ktf.kz
