Qazaqstandyq 3 tennısshi elordada ótetin chellendjer týrnırine shaqyrtý aldy
NUR-SULTAN. QazAqparat – Elordada ótetin «Forte Challenger 100» týrnıriniń negizgi dodasyna qazaqstandyq úsh tennısshi arnaıy shaqyrtý aldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, uıymdastyrýshylar Denıs Evseev, Tımofeı Skatov jáne Dostanbek Tashbolatovqa osyndaı múmkindik berdi.
Jıyrma jastaǵy D.Tashbolatov – Team Kazakhstan akademııasynyń túlegi. 2017 jyldyń aıaǵynda ol 18 jasqa deıingiler arasyndaǵy resmı emes álem chempıonatynda ózin jaqsy qyrynan kórsete bildi. Dostanbek Orange Bowl týrnıriniń fınalyna deıin jetip, Australian Open jasóspirimder týrnıriniń negizgi dodasyna joldama aldy. Alaıda jaraqaty Aýstralııada óner kórsetýine múmkindik bergen joq.
Eske sala keteıik, budan buryn elordada 21-28 aqpanda jáne 28 aqpan men 7 naýryz aralyǵynda ATP Challenger Tour serııasynda halyqaralyq týrnırler ótetinin jazǵan bolatynbyz.
Bul jarystarǵa Qazaqstannan Mıhaıl Kýkýshkın bastaǵan tennısshiler qatysady.
