Qazaqstandyq 3 aýyr atlet Azııa chempıonatynyń júldegeri atandy
NUR-SULTAN. QazAqparat - Qazaqstandyq úsh sportshy jasóspirimder arasynda aýyr atletıkadan Tashkentte ótip jatqan Azııa chempıonatynda júldeger atandy, dep habarlaıdy QazAqparat.
Qazaqstan aýyr atletıka federatsııasynyń baspasóz qyzmetinen túsken málimetke qaraǵanda, Abylaı Áýelhanov, Gúlnur Ybyraı jáne Saıramkez Aqmolda júldege ilikti.
A.Áýelhanov 55 kg salmaqta qossaıys qorytyndysynda 227 kg (97+130) kóterip, jasóspirimder arasynda ekinshi, ıýnıorlardan úshinshi orynǵa ıe boldy.
G.Ybyraı 64 kg salmaqta 198 kg (88+110) nátıjemen qyzdar arasynda jeńimpaz atanyp, ıýnıorlardan ekinshi orynǵa kóterildi.
S.Aqmolda 61 kg salmaqta 267 kelini (117+150) baǵyndyryp, ıýnıorlardan úzdik úshtikti túıindedi.
Aıta keteıik, 20 aqpanǵa deıin sozylatyn chempıonatqa Qazaqstannan 10 atlet qatysýda.
