Qazaqstandyq 200 bala Alakólde demalyp qaıtty
«Samruk-Kazyna Trust» áleýmettik jobalardy damytý qory baspasóz qyzmetiniń málimetinshe, balalar ekskýrsııasy «Týǵan elge saıahat» jobasy aıasynda júzege asqan. Bastama osydan eki jyl buryn qolǵa alynypty. Sodan beri jyl saıyn ár óńirden jınalǵan jas saıahatshylar arnaıy poıyzben elimizdiń túrli jerlerinde bolǵan.
«Olardyń kóbi Qazaqstannyń tarıhı jáne kórikti jerlerin birinshi ret tamashalady. Saıahat baǵdary boıynsha balalar Astana, Baıqońyr, Túrkistan, Almaty jáne Alakólde boldy. Bıyl barlyǵy 600 bala qamtyldy», - delingen vedomstvonyń málimetinde.
Al Alakól aýdany ákiminiń baspasóz qyzmeti kólge kelgen 200 bala sýǵa shomylyp, ýaqyttaryn qyzyqty ótkizgenin jetkizdi. Jáne 200 balanyń sýǵa túsý qaýipsizdigin arnaıy mamandar qadaǵalaǵan.
Ákimdiktiń málimetinshe, bıyl Almaty oblysyndaǵy Alakól jaǵalaýyna 1 mıllıonnan asa týrıst kelip demalǵan. Bul kórsetkish áli de ósedi. Sebebi, shomylý maýsymy jalǵasýda. Al byltyr kólge kelip demalǵan týrıster sany 700 myńǵa jetken bolatyn.
