Qazaqstandyq 2 kompanııa memleketke 700 mln. teńgeden astam kedendik alymdardy tóleýden jaltarǵan
Vedomstvonyń aqparatyna qaraǵanda, 2013-2014 jyldary aralyǵynda Qytaı Halyq Respýblıkasynan qazaqstandyq 2 kompanııaǵa taýarlar jetkizilgen. Taldaý jáne tekserý júrgizý kezinde, kompanııanyń memlekettik bıýdjetke, Almaty oblysy boıynsha Kedendik baqylaý departamentine taýarlarǵa kedendik tazartý kezinde taýarlardy kedendik tólemder men salyqtardy tólemeı shyǵarý saldarynan paıda bolǵan beresheginiń bar ekeni anyqtaldy.
«Kedendik tólemder men salyqtar boıynsha bereshektiń jalpy somasy 701 mln. teńgeni qurady. Tekserý nátıjesinde ishinara memlekettik bıýdjetke 159 mln. teńge óteldi. Kedendik baqylaý komıtetiniń Kontrabandaǵa qarsy kúres basqarmasy osy fakti boıynsha, QR QK 214-babynyń 1-tarmaǵy (Kedendik tólemder men alymdardy tóleýden jaltarý) boıynsha eki qylmystyq is qozǵady», - delingen habarlamada.
Budan basqa, taýarlardy kedendik tazartýdyń belgilengen erejelerin buzýǵa jol bergen kináli laýazymdy tulǵalarǵa qatysty QR QK 307-babynyń 2-tarmaǵy boıynsha qylmystyq is qozǵaldy. Atalǵan qylmystyq isterdi Almaty oblystyq qarjy polıtsııasy organdarymen birlese tergeý amaldaryn júrgizý josparlanýda.
